Primeiros días no Xapón

Bo Nadal!
Ah～Como vou botar de menos esas ceas familiares con marisco e cousas ricas!
Menos mal que trouxen comigo turrón Suchard e algunha que outra cousiña.

Estes días estiven tan ocupada que nin tempo a renovar o blog tiven. Hoxe por fin se relaxou a cousa e teño tempo de escribir. Alá vai un resumo destes días☆

Despois dunha longa viaxe de dous días, aterrei por fin en terras nipoas o venres pola mañá.

Vista de Nagoia

O meu mozo viu recollerme ó aeroporto. Xa había tres meses que non o vía.( ˘ ³˘)♥

Despois de descansar un pouco partimos cara o centro da cidade. Eu ía fascinada vendo a paisaxe e as casas tradicionais xaponesas. En 20 minutos chegamos ó centro.

Non durmira nada no avión e aínda por riba ese mesmo día tiña que facer unha morea de cousas: ir a escola a presentarme, ir a rexistrarme no concello, ir a residencia a presentarme e a deixar as cousas... Pensei que morría!

A miña escola

Ese día comín ramen nun restaurante chamado Denny's. Que rico estaba! Por certo, no Xapón cando vas a un restaurante dánche a auga gratis. Non fai falla pedir bebida!(*'▽'*)

Ramen

Cando rematamos todo, puxémonos rumbo a casa do meu mozo en Gifu, a unha hora máis ou menos de Nagoia. É unha vila e non hai moitas tendas, pero como eu estou acostumada a isto, gustoume moito. Non sei se me darei afeito a unha gran cidade.(>_<｡ )
Estaba derreada, daquela durmín ata a noitiña. Logo fun cear e a dar unha volta. Preto do apartamento había unha especie de auditorio cun xardín con decoración do Nadal.

Gifu

O apartamento onde vive o meu mozo é bastante amplo, non como a meu cuarto da residencia que é super pequeniño! Pero non me poido queixar; por ese precio non ía atopar nada mellor. Ademáis inclúe a comida.
Por certo, o apartamento ten washlet, un váter que está quenciño cando sentas e se queres límpache o cú cun chorro de auga. Σ（ﾟдﾟlll)

------------------------------------------------------------

O sábado quedei cunha amiga de Nagoia. Despois de pasear un pouco fomos comer (os xaponeses comen arredor das 11 e media ou 12). Unha amiga recomendáralle unha cafetería e alá fomos. Na mesa do lado estaban a tomar pasta e pareceume que tiña tan boa pinta que foi o que pedín. Cando comecei a comer todo ía ben, estaba boísimo, pero axiña me din de conta de que lle faltaba algo... non tiña carne! Era só pasta e a salsa! Quedeime bastante estrañada pero parece que é normal.

Pasta con salsa de tomate e mozzarella

Cando rematamos de comer fomos a unha zona que se chama Osu, que é algo así como o Akihabara de Nagoia. Había maid cafes, tendas de figuras de manga e anime, tendas de merchandising dos Johnny's, etc... Atopei tamén unha tenda de ropa lolita de segunda man. Para quen non o saiba, a ropa lolita é súper cara, un vestido pode custarche entre 250-400 euros. Despois de remexer un pouco atopei un vestido da marca BABY THE STARS SHINE BRIGHT que me gustou e merqueino por 6000 iens, uns 60 euros. Que vos parece?

Vestido de BABY THE STARS SHINE BRIGHT

Tamén fomos facer purikura! Foi a miña primeira vez e todo ía demasiado rápido! Para a próxima tentarei saír mellor.  ╮(￣▽￣")╭

Purikura con Mayumi e o meu mozo

Como tiña que mercar e facer aínda moitas cousas despedímonos de Mayumi cedo e marchamos a un centro comercial. Mercamos un montón de cousas para o meu cuarto e para o apartamento. Farei especial mención a que mercamos un kotatsu, algo que quería dende había moitos anos! É unha marabilla! Pero coidadiño! Se entras logo é moi difícil saír co ben que se está. Esta mañá sufrín para saír á rúa. 

O rematar as compras marchamos outra vez para Gifu, onde estou agora mesmo. O día 27 volvo para Nagoia. 

Nagoia

E isto é o máis relevante destes días. (ฅ'ω'ฅ)♪

Pasade un bo Nadal e que Papá Noel vos traia moitos agasallos!

Ata logo!