No Xapón o día de San Valentín é unha data moi importante para as rapazas. Ao contrario que en Europa, onde normalmente regalamos tanto as mulleres como os homes, no Xapón o habitual é que só as rapazas regalen. E pensaredes, que inxusto, non? Non ho! E que o día 14 do mes que ven, o
White Day, tócalles ós homes regalar. (｡•v•)๗♡๒(•ε•｡)
Seguro que xa o sabedes, pero no Xapón hai varios tipos de bombóns. Por exemplo:
Honmei choko
Dánselle á persoa que che gusta, mozo ou marido. Segundo unha enquisa só o 25% de todos os bombóns que se regalan son
honmei choko. ΣΣ(ﾟдﾟlll)
Giri choko
Os bombóns de cortesía. Repártense entre compañeiros de traballo, persoas as que lles queres agradecer algo, etc... Aínda que llo regales a un home non ten ningún matiz amoroso nin nada polo estilo. Son o 39%.
Tomo choko
Para os amigos, compañeiros de clase, etc...
Hoxe catro compañeiras regaláronme bombóns. (*´︶`*) ♡
Gyaku choko
Ultimamente algúns homes tamén regalan ás mulleres, pero non é moi habitual.
É estes son os principais, aínda hai máis!
Dende xaneiro os supermercados están ateigados de bombóns de fabricantes de todo o mundo, hai exposicións dedicadas só a bombóns... Un mundo a parte! (´◦ω◦｀)
Entre a xuventude é máis típico facer a man os bombóns, e eu non ía ser menos!
Fíxenos coas compañeiras da residencia. Eu non tiña nin idea, menos mal que me ensinaron como facer. A ver onde ía eu soíña xD Foi moi divertido. Estoume a plantear facer algo así máis a miúdo e todo. (*´˘`*)♡
Para comezar fixen bombóns con forma de corazón e semiesféricos.
Mais, o meu obxectivo principal era facer rosas de chocolate. Unha meta moi grande para alguén que non fixo un doce na súa vida! xD Pero grazas a axuda de Sze Yu conseguino.
Sze Yu é unha crack! Mirade que flores de chocolate fixo!
Que boa pinta! (๑´ڡ`๑)
Et voilà! Estes son os meus bombóns. Non quedaron perfectos pero esperaba moito menos a verdade. ヾ(*´∀｀*)ﾉｷｬｯｷｬ
E vós, que plans tedes para este día de San Valentín?
