Feliz Samaín! ハッピーハロウィン！

Ola!
Feliz Samaín a todos! Disfrazástesvos?
Para min foi un día calqueira de clases toda a tarde...
Ó menos, quédame o consolo de que xa non hai clase ata a semana que vén!

Uns días atrás, facendo limpeza, atopei algo que me trouxo moi boas lembranzas: un cómic que fixen cando estaba na ESO e saíu publicado na revista da escola. Recordo que era un concurso no que había que describir o procedemento de creación das cabazas de Samaín. Ata me deran un premio e todo!

Nagoia

Como será Nagoia? Serei capaz de sobrevivir nunha cidade tan grande? Σ(ﾟ∀ﾟﾉ)ﾉ
Ultimamente teño a cabeza chea de preguntas coma estas. Deben ser os nevios de saber que cada día estou máis preto de cumplir o meu soño.

Como ata chegar alá non vos podo ensinar nada interesante, pensei en presentarvos un pouco esta cidade.
Imos aló!

Billetes de avión

Esta semana estiven buscando o billete de avión. Fun a varias axencias de viaxes de Vigo, mais non encontrei o que buscaba. Daquela, decidín contanctar con axencias especializadas en viaxes ó Xapón. Hai varias en Madrid e Barcelona. Eu consultei nestas dúas:
H.I.S. http://www.his-spain.com/index_spanish.html
Miki Travel http://viajandoajapon-miki.blogspot.com.es/

Requisitos e documentos que precisas para estudar no Xapón

Vou escribir como foi o proceso de matriculación na miña escola, ECC Nihongo Gakuin.
Non volo podo asegurar, mais supoño que en todas as escolas o procedemento será parecido.

Ben, no meu caso elixín ir a Nagoia. É unha cidade bastante grande, mais non é Tokio, onde hai moitísimas escolas de xaponés. Daquela, a miña busca e elección foi bastante rápida. Se mal non lembro só había dúas ou tres.

Elixida a escola, o que segue é cumprir uns requisitos básicos e comezar coa recolección de papéis.
Volvo a repetir que isto é o que piden na miña escola, non sei como será noutras...
           
Requisitos imprescindibles:

Comezamos!

Ola!

En tres meses marcho ó Xapón!(*˙˘˙)♥

Neste tempo antes de me ir, tiña pensado escribir un pouco sobre o proceso que hai que seguir para ir alá a estudar. Eu non tiña nin idea, menos mal que me axudou o meu mozo, que como é xaponés puido arranxar sen problemas os asuntos da escola.


Seguramente a ninguén lle interese o que escriba aquí, mais quero deixar as miñas andanzas por escrito e pensei que comezar un blog sería unha boa maneira para facelo. Non sei que me deparará o futuro, porén, supoño que as entradas contarán as miñas viaxes, curiosidades ou calquera cousa rara das que me gustan a min. Si, tocoubos unha otaku, lolita e tola da música xaponesa. Éche o que hai!

Ala, deica a próxima (^O^)/