Fin de trimestre

Veño de facer os exames de fin de trimestre. Non sei por que, pero sempre me poño enferma antes dun exame importante. Esta vez non foi diferente. (´；ω；`)
Pero xa pasou. A pesar de todo creo que me saíron ben. Agora só falta agardar ao venres para saber o resultado e comezar as merecidas vacacións de primavera.

Omamori (amuletoｓ para aprobar exames)

Esta semana promete. Mañá é festivo e convidáronme a unha tea party lolita, unha reunión con moitas lolitas da cidade. Unha boa oportunidade para facer novas amistades. Mañá xa vos contarei que tal. Ademais, o xoves hai excursión coa escola. Canto tempo sen ir de excursión. Síntome como se volvera ao instituto. ヽ(・∀・)ノ
A verdade é que pinta moi ben. Primeiro imos ir a un cultivo de amorodos no que podes comer canto queiras ata rebentar. Co cara que vai aquí a froita haberá que aproveitar. Despois dirixirémonos cara a costa para degustar unhas ebi furai (gambas rebozadas fritidas) típicas da zona. Disque son enormes. ( ´∀｀) E para rematar imos ir a unha fábrica de cerámica na que participaremos pintando algunha peza.
Parece que se aveciñan entradas entretidas.
Mata ne!(｡・ω・｡)ﾉヾ(｡・ω・｡)ﾉ ﾏﾀﾈｰ♪